Міжнародны дзень Валанцёра

5 снежня святкуюць міжнародны дзень Валанцёра. Згодна ААН штомесячная колькасць валанцёраў ва ўзросце 15 гадоў і больш складае 862,4 мільёна чалавек па ўсім свеце.
Валанцёрскія праекты арганізаваныя ў афіцыйнай і нефармальнай формах. У афіцыйнай валанцёрскай дзейнасці праз арганізацыі або асацыяцыі ўдзельнічае 6,5% насельніцтва планеты. Сярод іх пераважаюць мужчыны. Нефармальнай валанцёрскай дзейнасцю займаюцца 14,3% насельніцтва. Большасць з іх - жанчыны. 

‍

ААН зазначае, што валанцёрства ахоплівае шырокі спектр пытанняў і скіраванае найперш на дапамогу самым безабаронным пластам грамадства. Валанцёрскі рух атрымаў надзвычай шырокі распаўсюд у Беларусі яшчэ напярэдадні 2020 года. Аднак сапраўдны росквіт перажыў у 2020 годзе - на хвалі кавіднай пандэміі, а таксама паслявыбарчых пратэстаў.  

‍

Заснавальнік BYSOL Андрэй Стрыжак

‍

“Чалавек мае патрэбу рабіць нешта не толькі за грошы і не толькі дзеля ўласнага дабрабыту. Гэта прыходзіць на дастатакова высокім этапе развіцця грамадства і асобы. Таму што вымагае выдаткавання часу або грошай на тое, што нясе грамадскую карысць. 

‍

Валанцёрства - натуральнае памкненне чалавека як істоты ў калектыве і супольнасці з мэтай  зрабіць гэтую супольнасць больш устойлівай. Валанцёрства адно з тых рэчаў якія робяць чалавека чалавекам”. 

‍

У Беларусі пасля 2020 года ўлады зліківдавалі ўсе некамерцыйныя грамадскія арганізацыі, у тым ліку тыя, якія займаліся валанцёрскай дзейнасцю. На неарганізаваных валанцёраў сёння таксама глядзяць з падазрэннем. А асобаў, якія пішуць лісты або збіраюць перадачы палітвязням, у Беларусі цяпер пераследуюць і кідаюць за краты. 

‍