Рэжым Лукашэнкі працягвае практыку тэрору і запалохвання. Кожны дзень мы чуем пра новыя затрыманні, катаванні і прысуды. Змесціва тэлефонаў, кампʼютараў і кантэнт размешчаны ў сацыяльных сетках становіцца падставай для пераследу. Мы не можам уратаваць кожнага беларуса ад пагрозы, але мы спрабуем зрабіць жыццё тых, хто звярнуўся па дапамогу, больш бяспечным.
Праект «Лічбавая апора: бяспека разам», якім займаецца фонд «Краіна для Жыцця» – гэта адказ на выклікі з боку рэжыму. Мы дапамагаем беларусам абараніць свае асабістыя дадзеныя і мінімізаваць рызыку арышту або затрымання, падказваем як ачысціць лічбавыя прылады ад небяспечных дадзеных.
Мы апрацавалі 174 звароты ў службу тэхнічнай падтрымкі па лічбавай бяспецы. Усяго мы атрымліваем 150-180 зваротаў штомесяц. Мы дапамагаем беларусам у наступных пытаннях:
- настройка бяспечнага «партызанскага» Telegram;
- ачыстка тэлефонаў перад перасячэннем мяжы і пасля затрыманняў;
- ачыстка сацыяльных сетак, вэб-гісторыі і хмарных сховішчаў.
Мы аказваем тэхнічную дапамогу і дапамагаем абараніцца ад рэпрэсій і пераследу.
